വിജയ്‌യുടെ മകന്റെ കന്നിച്ചിത്രത്തില്‍ നായകൻ മലയാളത്തിന്റെ സൂപ്പര്‍താരം

23കാരനായ ജേസണ്‍ മറ്റൊരു റോളില്‍ സിനിമാമേഖലയില്‍ എത്തുന്നുവെന്നത് വീണ്ടും വാർത്തകളില്‍ നിറയുകയാണ്. സിനിമാ സംവിധായകനായി ജേസണ്‍ തിരികെയെത്തുന്നുവെന്ന വാർത്ത നേരത്തെ തന്നെ പുറത്തുവന്നിരുന്നു. ഇപ്പോഴിതാ താരപുത്രന്റെ ആദ്യ സിനിമയിലെ നായകനെക്കുറിച്ചുള്ള വിവരമാണ് എത്തുന്നത്.

ജേസണിന്റെ കന്നിചിത്രത്തിന്റെ നിർമാണം ഏറ്റെടുക്കുമെന്ന് ലൈക്ക പ്രൊഡക്ഷൻസ് കഴിഞ്ഞ ഓഗസ്റ്റില്‍ അറിയിച്ചിരുന്നു. തങ്ങള്‍ക്ക് ചിത്രത്തിന്റെ തിരക്കഥ ഇഷ്ടപ്പെട്ടുവെന്നും ലൈക്ക വ്യക്തമാക്കിയിരുന്നു. ചിത്രത്തില്‍ നായക വേഷത്തില്‍ വിക്രമിന്റെ മകനും നടനുമായ ദ്രുവ് വിക്രം എത്തുമെന്നായിരുന്നു തുടക്കത്തില്‍ അഭ്യൂഹങ്ങളുണ്ടായിരുന്നത്. പിന്നീട് വിജയ് സേതുപതിയുടെ പേരും ഉയർന്നുവന്നു. ഇപ്പോഴിതാ ചിത്രത്തില്‍ ലീഡ് റോളിലെത്തുക ദുല്‍ഖർ സല്‍മാൻ ആണെന്നാണ് പുതിയ വിവരം.